Кура җиләге кайнатмасының борыннан килгән рецепты.

 Балачакта без еш кына урамнан юешләнеп, суга батып керә идек. Без чирләп китмәс өчен, әниебез безне коры киемнәргә киендереп өстәл янына утырта һәм кура җиләге кайнатмасы белән чәй эчертә иде. Ә аннан соң без манма тиргә батып җылы юрган астында тирән йокыга талабыз. Менә шул рәвешле, салкын тию авырулары безне читләп китә иде. 

Рецепт түбәндә: 
Кура җиләгеннән биш минутлык кайнатма 
Әлеге искиткеч кайнатманы әзерләү өчен бөтен килешле, тыгыз, корт белән зарарланмаган җиләкләрне сайлап алырга кирәк. Шуңа күрә җиләкләр бөтен калсын өчен, кура җиләге һәм шикәрне бик сак кына болгатырга. Һәм бераз вакыт үтү дәверендә барлыкка килгән сок сиропында акрын утта кайнатырга кирәк. 

Ингредиентлар һәм пропорцияләр: 
Кура җиләге 1.5 кг 
Шикәр 1,5 кг 
Продуктларны 1:1 пропорциясе белән алабыз. 

Бөтен кура җиләкләрдән кайнатма әзерләү тәртибе: 
1. Җиләкләрне чүп-чардан (яфраклар, корткычлардан) чистартабыз. Аларны су белән бөркеп алабыз да дуршлагка салып саркытабыз. 
2. Кайнатма пешереләчәк савыт-сабага шикәр комының яртысын салабыз. 
3. Аның өстенә бөтен килешле бар җиләкне дә салабыз. 
4. Калган шикәрне җиләк өстенә җәябез. 
5. Булачак "дәва" кайнатмасын үз савытында 5-6 сәгатькә сок чыгарыр өчен калдырабыз. Гадәттә, күпләр моны төнлеккә каршы эшләп калдыра. 
6. Икенче көнне иртән банкаларны стерильләштерәбез дә, кайнатманың үзенә тотынабыз. 
7. Сүрән ут кабызабыз һәм кайнатманы плитәгә куябыз. Җиләкләрнең бөтенлеген югалтмас өчен, акрын гына бутап торабыз. 
8. Шикәр эреп беткәч, утны беразга гына көчәйтәбез.. Кайнатма кайный башлагач, тагын 5 минут утта тотабыз. Игьтибар, кайнатма өстеннән барлыкка килгән күбекне җыеп торырга һәм акрын гына бутап торырга онытмагыз. 
9. Банкаларга әзер кайнатманы тутырабыз да, капкач белән каплап саклауга куябыз. Әлеге кайнатма белән эчкән чәйләрегез сихәт һәм дәва бирсен!!!