Кулын да күтәргән, телен дә тыймаган

Соңгы факт нәкъ менә шулай тәмамлана. Яшел Үзән прокуроры ярдәмчесе Рәмис Нәбиев сөйләвенчә, Яшел Үзәннең Чапаев урамындагы  бер фатирда исерек ир тавыш куптара, хатынын «үтерәм», дип куркыта. Өстәвенә,   урындык күтәреп хәләл җефетенең башына бер тапкыр менеп төшә. Болар да тынычландырмый исерек ирне,  чәченнән эләктереп алып, кыйный башлый, «үтерәм», дип янавын дәвам итә.
Нәтиҗәдә бу эш судка кадәр барып җитә. Билгеле булганча, иргә  гаебен танырга, кылганына бик үкенергә генә кала, әмма җаваплылыктан гына кача алмый. Суд аңа РФ УКның 1нче маддәсе буенча  хөкем карары  чыгарып, 9айга ирегеннән мәхрүм итә. Шуны да әйтергә кирәк, янаган өчен дә реаль срок алуың ихтимал. Чөнки законнарда андый очраклар да каралган. Көч-куәте ташып торган ир-атларга кулларын да, телләрен дә тыя белергә кирәк тә бит.  Белмәсәң, акылга закон утыртыр.