Коронавируслы хатын игезәк бала тапкан
Татарстан Сәламәтлек саклау министрлыгы матбугат хезмәте хәбәр иткәнчә, Казанда коронавируслы авырлы хатын игезәкләр тапкан, әни һәм балалар сәламәтләнгән.
Казанда яшәүче 27 яшьлек авырлы хатын Татарстанның Республика клиник хастаханәсенә (РКБ) май башында ук коронавирус белән хастаханәгә озатыла. 34 нче атнада ул ике кыз тапты. Туганда аларның авырлыгы 1 800 грамм тәшкил иткән. Балаларда тумыштан килгән үпкә ялкынсынуы диагностикаланган.
Яңа туган балалар РКБ Перинаталь үзәге реанимациясе бүлегенә урнаштырылган. Берничә көннән соң аларны гадәти палатага күчерәләр. Хатын һәм аның кызлары терелә, өйләренә кайталар. Өчесе дә коронавируска тестлары тискәре нәтиҗә күрсәтте.
Следите за самым важным и интересным в Telegram-каналеТатмедиа
Нет комментариев