– Корбанлык итенең сөяген нәрсә эшләтергә, ничек итеп ташларга була?

– Сөякләрен үз йортыңда асралган эткә бирергә була. Әмма алар теләсә-кайда аунап ятмасын өчен урам этләренә бирергә кирәкми. Сөякләрне бакчада тирән итеп күмеп кую да рөхсәт ителә, әмма казыган вакытта килеп чыгарлык булмасын. Мәчетләр янында зур корбан чалулар булганда, контейнерлар куела. Шунда да китереп салырга була. Алар заводларга эшкәртергә җибәрелә. Күмелгән сөяк вакыты җиткәч таркала һәм туфракка файда китерә.