Көнкүреш калдыклары контейнерлары торак йорттан нинди ераклыкта урнаштырылган булырга тиеш?

Бу  нормалар РФ Госстрой карары (№170, 27.09.2003) белән билгеләнгән. Әлеге бакларны торак йортларга 20 метрдан да якын һәм керү подъездларыннан 100 метрдан да ерак арага куярга ярамый («Торак фондның техник эксплуатациясе кагыйдәләре һәм нормалары», 3.7.6 пункты). Нормалар искәрмәле очракларда гына сакланмаска мөмкин. Бу инде йортларның төзелеше формалашкан районнарга кагыла. Мондый вакытта чүп контейнерлары өчен урынны районның архитекторы, торак-эксплуатация оешмасы вәкиле һәм санитар табибтан торган комиссия билгели. СанПиН нормалары (42-128-4690-88) буенча, мәйданчыклар иң күбе биш контейнер сыешлы булырга тиеш.