Клара Филиппова: “Яңа “Яшел Үзән гәүһәрләре” проектын тәкъдим итәм”

Каюм Насыйри милләтебезнең –“Ломоносовы”, Динә Гарипова моң дәрьясында иң оста “йөзүчесе” буларак дөньяга танылган шәхес – милләттәшләребез, ә аларның язмышы, искиткеч, кызыклы һәм кызганыч та!?

Соңгы елларда халкыбызга билгеле булган – татар халкына гына түгел, ә дөнья халыкларына да якыннан таныш булган - Бөек Тукаебыз туганнарының Яшел Үзән җирлегендә каберлекләре саклануы, милләттәшләребезнең милли горурлыгын арттыра торган, бик зур рухи хәзинә, мирасыбыз буларак аңлашыла.

Миңа Г.Тукай иҗади мирасына битараф булмаган һәм милләттәшләребезгә дә озак еллар буена Тукайны танытырга тырышучы буларак,”Г.Тукай яки К.Насыйри, сезгә, кайсысы якынрак?”- дигән сорауны бирәләр. Бу очракта җавапны - болай бирергә туры килә, ягъни ике аякның, ике кулның, ике күзнең кайсысы якынрак?-, дигән сорауга җавап таба алсаң, җавбың да шул булыр. Аларның - икесе дә милләтебез күгендәге иң якты - йолдызлары, әмма һәр йолдыз үзенчә яктырта, һәрберсенең үз урыны, тәртибе бар. Алар кешелекнең рухи кыйммәте!!!

Райондашларыбыз горурлыгы саналган, халкыбыз арасында күкренекле урын яулаган шәхесләребезне дә - без беләбезме, өйрәнәбезме, саклыйбызмы, зурлыйбызмы? Менә бу сораулар алда санап киткән олы шәхесләребезне, барлык муллыгы белән, аларның иҗади мирасын яшь буыннарга тапшырып калдыру максатыннан - “Яшел Үзән гәүһәрләре” яңа проектын тормышка ашыру өчен –барыбыздан да тырышлык һәм активлык сорала.

2020 нче елда Каюм Насыйриның тууына 195 ел, ә Габдулла Тукайның 135 еллыгы 2021 елларга туры килүен исәпкә алсак, бүгеннән комиссиясен булдырып әзерлек эшләре, ягъни киң җәмәгатьчелекне иҗади хезмәткә тарту, бүгеннән үк башланырга тиеш. Чөнки районыбызның матурлыгын, интеллектуаль байлыгын үз югарылыгында яшьләргә тапшырасыбыз килә икән, битарафлыкны “ кочаклап” яшәүдән мәгънәбез артмас. Бүгенге көндә комиссия төзелгән, әмма килештерәсе һәм очрашу сорала. “Родина” мәдәният сарае китапханәсендә теләгегезне язмача калдыра аласыз.

Яшел Үзән, Милли-мәдәни үзәге советы.

24.04.2018 ел.