Хөрмәтле яшел үзәнлеләр, «Майский» теплицалар комбинаты» хезмәткәрләре! Кадерле ветераннар!

Илебездә элек-электән төрле милләт һәм дин вәкилләре бердәм, дус, тату яши. Һәм әлеге бәйрәмнәр халыклар бердәмлеген алга таба үстерергә, күршеләребез арасындагы мөнәсәбәтләрне ныгытырга, икътисадый, сәяси һәм мәдәни элемтәләрне урнаштырырга мөмкинлек бирә. Бүген без бер-беребезнең гореф-гадәтләрен хөрмәт итеп, бердәм булып яшибез. Ә бердәм халык ул – илнең бөеклеге һәм куәте.

Татарстан Конституциясе көне – республикабызның бүгенгесе һәм киләчәге өчен гражданлык җаваплылыгы символы булып тора. Безнең алда торган максатлар Татарстанга уңышка ирешергә, тормышыбызны тагын да яхшырак итәргә мөмкинлек бирәчәк.
Хөрмәтле дуслар, бәйрәмнәр котлы булсын! Һәммәгезгә дә исәнлек-саулык, тынычлык, гаилә бәхете һәм иминлек телим.

Илшат Ганиев,
«Майский» теплицалар комбинаты» ширкәтенең генераль директоры