Хөрмәтле Яшел Үзән автотранспорт предприятиесе хезмәткәрләре, кадерле яшел үзәнлеләр!

Безнең предприятие өчен узып киткән ел гади түгел, әмма вакыйгаларга бай булды. Без, һәрвакыттагыча, халкыбыз вакытында эшкә барып җитсен, кичен өйләренә кайтсын, транспорт өзлеклелеге булмасын өчен бөтен тырышлыкны биреп эшләдек. Тотрыксызлыклар килеп чыкмасын дип көчебезне куйдык. Алда безне яңа, күләмле эшләр көтә. Районыбызның киләчәктә дә ныклы адымнар белән алга баруын тәэмин итү һәрберебезнең ихтыяр көче, нәтиҗәле эше һәм теләгеннән тора.
Кадерле яшел үзәнлеләр! Яңа елга аяк басканда борчу-мәшәкатьләрегезнең барысы да иске елда калуын, ә шатлык-куанычларыгызның Яңа елда дәвам итүен телим. Гаиләләрегездә һәрвакыт күңел тынычлыгы бирсен, бәйрәм кәефе үзегезне ел буе ташламасын. Сезгә һәм якыннарыгызга сәламәтлек, бәхет һәм иминлек юлдаш булсын! Яңа ел белән!

Рамил Садыков,
«Яшел Үзән автотранспорт предприятиесе» ҖЧШ директоры