Хатын-кызны кыйнарга ничек кулы барган?

Прокурорның өлкән ярдәмчесе Эдуард Миңнегалиев аңлатуынча, бу фаҗигале хәл 2017 елның 18 октябрендә чыга. Луговой авылында бу ир соңгы вакытта бер хатын-кыз белән бергә тормыш иткән. Тормыш булгач, төрле хәлләр чыга шул. Салгаларга да яратсаң, ызгыш­лар икеләтә күбрәк чыга. Бу ир белән хатын арасындагы соңгы бәхәс кенә бик кызганыч тәмамлана һәм эш судка кадәр барып җитә. Аңлашылмаучылык йодрыкка барып тоташа һәм хатынның сәламәтлегенә зыян килә. Әлбәттә, монда җиңүче Артур булып чыга. Исерек ирнең  бу гамәле кеше сәламәтлегенә авыр зыян салу буларак бәяләнә.
Артур Денисовка гаепләү чыгарсалар да, ул аны танымый. Аны СИЗОга утыртып куя­лар.  Аның эшен прокуратура судка җибәрә.