КФУ профессоры: 2021-2022 елгы кыш соңгы йөз еллыкта иң карлысы булды

Быелгы кыш соңгы йөз елда иң карлылар өчлегенә керде. Бу хакта Казан федераль университетының Экология һәм табигатьтән файдалану институтының метеорология, климатология һәм атмосфера экологиясе кафедрасы профессоры Юрий Переведенцев белдерде.

Белгечләр сүзләренә караганда, кар күп булу сәбәпле, яз көне туфрак дым җитмәүдән җәфа чикмәячәк. Шул ук вакытта югары кар катламы кайбер хайваннарның, бигрәк тә тояклыларның хәрәкәтен кыенлаштыра.

“Быел бездә циклоник активлык күзәтелә – безгә даими рәвештә атмосфера фронтлары белән Атлантикалы циклоннар килә", – дип билгеләп үтә Переведенцев.

Язның беренче аенда элеккечә үк Атлантикадан циклон булса, март җылы, ә кар көртләре тиз эриячәк. Әгәр яз гадәти яки озакка сузылса, кар акрынрак эри, дип өсти метеоролог.