Күңелемдәгесен әйтәм

Тик менә миңа бу купшылыкның икенче ягы кызыклы: бер караганда беркемгә дә «жизненно важно» булмаган бу кадәр сарыф ителгән электр энергиясе өчен кем кесәсен такырайталар икән?! Әллә, кайчандыр бары тик Петр патша билгеләгән бу дата хөрмәтенә бар да бушлаймы? Әйе, ышан, тоттырганнар ди... Шул без, гади халык хисабына балкыйдыр инде ул утлар...

***

Бүгенге көндә бу турыда белмәүчеләр бик күптер. Яңа ел каникулында әллә нигә бер тапкыр балаларымны циркка алып барырга булдым һәм шакаттым. Балалар өчен электричкада тулы билет бәясе түләргә кирәк икән, янәсе ярты бәя өчен мин үзем белән справка йөртергә тиеш булганмын икән. Әлбәттә, белгән булсам, алган да булыр идем. Ә белмәгән кешеләргә нишләргә? Кая монда хаклык?