Казанда биш мәктәп карантинга ябылган

Казанда кискен респиратор-вируслы инфекция аркасында биш мәктәп карантинга ябылган. Бу хакта Казан мэриясе матбугат хезмәтенә сылтама белән «Татар-информ» хәбәр итә.

Берничә уку йортының 20 классында укуны вакытлыча туктаттылар: Вахитов районының 18 нче мәктәбендә, Яңа Савин районының 31, 49 һәм 71 нче мәктәпләрендә, шулай ук Совет районының 121 нче лицеенда.

Казанда ОРВИ белән авыручылар санының дәрәҗәсе эпидемик бусагадан 17,8% ка арткан.

Фото: архив/Рамиль Гали