Илнат Фәрхуллин: «Пиар ясар өчен кеше өстенә кайнап торган су сипми инде»!

- Авыртуны баса торган уколлар инде ясамыйлар, бары 6:00 дан 12:00 сәгатькә кадәр система алам. Иң мөһиме палатада үзем генә, кеше белән булса белмим ничек ятар идем икән, чөнки ярым шәрә ятарга туры килә. Суланып пешкән урыннар тишелеп кибә башлады, бүгеннән сырганак мае сөртә башладым. Яраткан тамашачым, дуслар, барыгызның да киңәшләрен укып барам, зур рәхмәт, сезгә. Дөрестән дә җиңел нәрсә түгел, шулай язган күрәсең, җиңеп чыгарбыз,  Аллаһ боерса. Тик күңелне тырный торган хатлар да килә. Имеш мин исерек булган, яки пиар ясау өчен шулай эшләгәнмен. Пиар ясау өчен кеше өстенә кайнап торган су сипми инде! Һәркемнең үз фикере, ни тели шуны язалар инде. Рәхмәт сезгә, минем белэн булганыгыз очен. Тиздэн аякка басармын, Аллаһ боерса! Яратам сезне, - дип яза җырчы үзенең Вк төркемендә.

Фото җырчының Вк төркеменнән алынды.