Игътибарлы булыгыз, шикле очраклар теркәлә

Хатын-кыз тавышы пенсионерларга Пенсия фондыннан 720 сум күләмендә түләү каралуын хәбәр итә. Ул шулай ук гаризаны тиз арада – Пенсия фонды органнарына 1 ноябрьгә кадәр тапшырырга кирәклеген дә искәртә.

Әмма быел Пенсия фондында бернинди дә өстәмәләр каралмаган. Бу хәбәр мошенниклар эше!

Агымдагы елда пенсияләргә индексация ясалган, шуңа күрә бу ел ахырына кадәр өстәмә түләүләр ясарга сәбәпләр юк. Шикле очракларда  Пенсия фондының контакт үзәгенә  (843) 27-9-27-27 телефоны аша шалтыратып әйтергә була.