Игътибар! Еланнар!

Менә шулай районыбызның Кече Шырдан авылында  Минһаҗевлар бакчасында да пәйда булган ул.

Минһаҗевлар   йорты урманнан ерак түгел, бәлки, еланнар аларны шуңа да үз иткәндер. Әмма  озынкойрыкларны авыл уртасындагы хуҗалыкларга да килмәс дип әйтеп булмый. Чөнки  хәзер авылда көтү юк, еланнарга үрчү өчен уңай шартлар  тудырылган. Кече Шырданлылар  авыл тирәсендә  медянкалар да  күренгәли диләр. “Әй, ник кенә бу хәбәрне тараттыгыз! Курыкмыйча ничек җиләк җыярбыз инде!” дип кайгырыша Шырданның нечкә күңелле ханымнары.

“Җыярсыз, Аллаһ боерса, Шырданда бөтен районга җитәрлек җиләк үсә. Аңа кадәр  җиләклекләргә  горчица сибәргә  мөмкин. Еланнар нафталин исен дә яратмый, җиләклекләргә сандыкта яткан күлмәкләрегезне киеп барырсыз!” -  диләр  авыл агайлары көлемсерәп.