Ветеран Борһан Гайнетдинов Яшел Үзәннең мактаулы гражданины исеменә лаек булды

Борхан Минһаҗ улын котларга район башлыгы Михаил Афанасьев исеменнән социаль яклау хезмәткәрләре килде. Алар аңа медаль, таныклык тапшырды һәм түбәтәй белән тәм-томнар бүләк итте.

«Мин бу исемгә лаек булуым белән бик шат һәм мине олылаганыгыз өчен рәхмәт әйтәсем килә», – дип белдерде чын күңелдән Борхан Минһаҗ улы.

Ул 40 елга якын Горький исемендәге заводта эшләде һәм яшь белгечләр өчен чын үрнәк булды. Ветераннар тормышында актив катнашып, ул еш кына үз тәҗрибәсен һәм патриотик кыйммәтләрен яшьләр белән уртаклаша.

Борхан Минһаҗ улын лаеклы бүләк алуы белән котлыйбыз һәм аңа сәламәтлек, бәхет телибез!