Яшел Үзәндә яшәүче хатын-кыз мошенникларга ярты миллион сум акча күчергән

Ул аны яңадан урнаштыру өчен түләргә ризалашканнан соң, аңа төрле номерлардан шалтыратулар килә башлаган.

Янәсе Росфинмониторинг хезмәт­кәрләре аның счетларыннан Украина Кораллы Көчләре их­тыяҗ­ларына санкцияләнмәгән акча күчерүләр бара, дип хәбәр иткән. Бу гамәлләрне туктату өчен, хатын-кызга барлык булган тупланмаларны куркынычсыз счетка күчерергә киңәш иткәннәр. Зыян күрүче, үгетләүләргә бирелеп, мошенникларга 500 мең сум күчергән.

Хәзерге вакытта әлеге факт буенча РФ Җинаятьләр кодексының 159нчы «Мошен­никлык» маддәсендә каралган билгеләр буенча җинаять эше кузгатылган.

Җинаятьчеләрнең телефон номерлары Мәскәү, Алтай һәм Краснодар төбәкләрендә теркәлгән.

Татарстан Эчке эшләр министр­лыгы кисәтә:

• таныш булмаган кешеләрдән килгән барлык мәгълүматны тикшерегез;
• сезгә таныш булмаган кешеләр тәкъдим иткән нинди дә булса гамәл кылганчы, якыннарыгыз белән киңәшләшегез.

Фото: Рәзилә Хәйретдинова, «ЯҮ»