Яшел Үзәндә яшәүче ханым мошенниклар корбаны була

Хатын, стационар телефонга шалтыратулары турында сөйли. Трубканы алгач, ул оныгыныкына охшаган хатын-кыз тавышын ишетә.

Сөйләшү барышында «оныгы», аның аркасында юл-транспорт һәлакәте булганын һәм алга таба проблемаларны булдырмас өчен акча кирәклеген әйтә. Оныгы өчен курыкканнан, зыян күрүче үз акчасын счетыннан ала һәм сөлгегә төреп, курьерга тапшыра.

Факт буенча РФ ҖК 159 статьясының 3 өлешендә каралган «Мошенниклык» билгеләре буенча җинаять эше кузгатылган.