Яшел Үзән районында 300 гектар мәйданда яңа промпарк төзү буенча эш алып барыла

Яшел Үзән районы җитәкчесеТатарстан Министрлар Кабинетында доклад белән чыгыш ясады.

- «Зеленодольск» һәм «М-7» сәнәгать паркларының тулыланышы шактый тыгыз, шуңа күрә парклар янындагы территорияләрдә резидентларның яңа урыны формалаша. 300 гектарлы «Тура – 2.0» дип аталган М7 трассасы буенда яңа индустриаль парк булдыру буенча эш алып барыла. "Зур Яшел Үзән» проекты кысаларында сәнәгать паркы чикләренә җиткереләчәк инженер челтәрләре проектланган, - диде Афанасьев.

Муниципалитет башлыгы ассызыклаганча, бүгенге көндә "Зеленодольск" сәнәгать паркында ТОСЭРның 25 резиденты бар. 11 меңнән артык эш урыны булдырылган, инвестицияләр күләме - 12 млрд. сум, бу район керемнәренең 18% тәшкил итә.

Бу хакта район Советы матбугат хезмәте хәбәр итә.