Габделхәмит Зиннәтуллин яшел үзәнлеләрне Ураза гаете белән котлады
Хөрмәтле дин кардәшләр, райондашлар!
Яшел Үзән шәһәре һәм районы мөхтәсибәте, шәхсән үз исемемнән Ураза гаете белән котлыйм!
Изге бәйрәм – Ураза гаете мөбарәк булсын! Бу көн – берләшү, чын кыйммәтләрне, туганлыкны, дуслыкны ныгытуны чагылдыра һәм рухи тынычлык, игелекле ниятләрнең кабул булуына ышаныч алып килә. Аллаһ ай буе тоткан уразаларыбызны кабул итсен. Кылган гыйбадәтләребез, догаларыбыз, укыган тәравих намазларыбыз, биргән сәдакаларыбыз һәм теләгән изге теләкләребез хакына ил-көннәребез тыныч, күгебез һәрчак аяз, табыннарыбыз мулдан булса иде. Бөек Раббыбыз күңелләребезне мәңгелек иман белән нурландырсын! Гаиләләребезгә, җаннарыбызга тынычлык, тәннәребезгә сәламәтлек насыйп итеп, ике дөнья бәхетенә ирештереп, барчабызга да хәерле һәм бәрәкәтле тормышлар насыйп итсә иде. Ураза бәйрәме һәркемгә көч-куәт, илһам өстәп һәм игелекле гамәлләргә әйдәп, һәр йортка, һәр гаиләгә шатлык-куанычлар һәм якты өметләр алып килсен!
Габделхәмит Зиннәтуллин, Зеленодольск шәһәре һәм районы имам-мөхтәсибе
Следите за самым важным и интересным в Telegram-каналеТатмедиа
Нет комментариев