Фирдүс Тямаев уен автоматлары турында борчыла

Бу хакта сез ни уйлыйсыз, яшел үзәнлеләр? Дусларыгыз арасында шундый яман чир белән «авыручылар» юкмы? Ничек котылдылар алар бу зихмәттән? 

"Бүген иртән хәбәр алдым - дусларымның өченчесе үз-үзенә кул салды инде", - дип яза җырчы. 

Артист комарлы уен белән мавыгучы яшьләрне тикшерергә сорый: аларның телефоннарын карарга, банкларда займнар, кредитлар алмаганмы икәнен ачыкларга кирәк. Кемдер уйный, кемдер спорт уеннарына ставка ясый, ди. 
"Бу уен наркотиклардан яманрак", - дип яза Фирдүс. 

Ул үз баласының шундый зарарлы гадәте турында белгән ата-аналарны һич кенә дә балаларына кычкырмаска, аларны кыйнамаска чакыра. Җырчы раславынча, бу зомбига әйләндерә торган авыру, һәм аны дәваларга кирәк: баланы психологка, мәчеткә барырга күндерергә кирәк, ди. Хатыннарга исә "уйнаучы" ирләр белән аерылышырга ашыкмаска киңәш итә. 
“Бергә булганда гына без бу проблеманы җиңә алабыз”, - ди җырчы.