Дача сатам дип 43 мең сум акчасын алдырган

Бу хатын-кыз Интернет-сайтларның берсендә «Октябрьнең 70 еллыгы» бакчачылык җәмгыятендә дача участогы сату турында белдерү урнаштыра. Бер сатып алучы  бу сделкага риза булуын һәм участокны башка беркемгә дә тәкъдим итмәвен сорый. Ул задаток күчерү тәкъдиме белән аңа  якындагы банкоматка барырга, карта номерын, шәхси мәгълүматларны әйтергә һәм телефоннан килгән парольне хәбәр итәргә куша. Хатын бөтен әйтелгәннәрне үтәп,  үзендәге «мобиль банк»ны мошенникның телефонына «куша».  Ә аферистларга шул гына кирәк: минутлар эчендә  аның ике банк исәбеннән дә 43 мең сум акчасы алына.
Хәзерге вакытта  полиция хезмәткәрләре  акчаның Липецк өлкәсендә теркәлгән  кеше исәбенә күчерелүен ачык­лый.  Оператив-эзләү эшләре алып барыла.
Исегезгә төшерәбез: мошенниклар корбаны булмас өчен  гадәти иминлек  кагыйдәләрен белергә кирәк. Үзегезгә таныш булмаган кешеләрнең телефон аша биргән инструкция­се буенча гамәл кылырга ашыкмагыз. Мондый очракларда җиде тапкыр үлчәп бер тапкыр кисү хәерлерәк.  

Лилиана Славкина.