Бурычлар түләттерү тыела

Миллионлаган пенсионер өчен мөһим үзгәреш 1 июньнән үз көченә керәчәк.

Әлеге категория гражданнарның җыелган акчаларына кагылмаячаклар. «Башкарма производство турында» федераль законга сизелерлек үзгәрешләр кертелгән. Хәзер социаль түләүләрдән бурычларны түләттерү тыелачак.

Приставлар, аерым алганда, пенсияләрдән, алиментлардан, ана капиталыннан һәм кайбер пособиеләрдән акча тотып кала алмый. Мондый исәпләүләр маркировкаланып, исәп-хисап документларында тиешле керем төре коды барлыкка киләчәк. Суд приставлары һәм банк хезмәткәрләре бурычны түләттерү буенча мөрәҗәгать иткәндә, бу акчалар тотып калулардан яки арест салынудан сакланган булачак.