Бу спорттан да зур: Миңнеханов ТР да Махсус Олимпиада уздыруны анонслады

Татарстан Президенты Рөстәм Миңнеханов Instagramда Казанда Махсус Олимпиада үткәрүгә багышланган видеоролик бастырды. Видеода Россиянең танылган спортчылары уеннарга үз мөнәсәбәтен белдерә. Республика җитәкчесе, шулай ук, үз фикерен әйтте.

«Казан Махсус Олимпиаданың Бөтендөнья кышкы уеннарын кабул итәчәк! Бу спортка караганда зуррак!" - дип язган Миңнеханов.

Мөмкинлекләре чикләнгән кешеләр өчен бөтендөнья уеннары Казанда 2022 елның 22-28 гыйнварында узачак.

Татарстан Республикасы Президенты матбугат хезмәте җитәкчесе Лилия Галимова элегрәк хәбәр иткәнчә, Казан якынча 3 мең делегат - спортчылар, партнерлар, тренерлар, спорт командалары әгъзаларын кабул итәргә исәп тота. Чараны уздыруга 3 меңгә якын волонтерны җәлеп итү планлаштырыла.