Бу атнада Яшел Үзәндә яңгырлар һәм көчле җил көтелә

Бүген, 20 апрельдә, Татарстанда алмашынучан болытлы һава көтелә, явым-төшемсез, җил төньяк-көнбатыштан. Төнлә термометр баганалары 0 һәм -5 градус арасында, көндез +7 һәм +12 градус арасында тирбәләчәк. Бу атнада артык җылы булмаячак, диләр Республика Гидрометеоүзәге фаразлары.

Чәршәмбе, 21 апрельдә, көндез Татарстанның көнбатыш районнарында яңгыр явуы ихтимал. Җилнең тизлеге секундына 15-20 метрга җитәргә мөмкин, көндез һава температурасы + 17 градуска кадәр, көнчыгышта +12 градуска кадәр җитә.

Пәнҗешәмбе, 22 апрельдә, көндез яңгыр явуы ихтимал,төнлә - 17 метрга кадәр тизлектә көчле җил.