Бүләкләр тапшырылды
Яшел Үзән муниципаль районының Иҗтимагый Советына "Доверие" тернәкләндерү үзәге һәм "Ачык йөрәк" ижтимагый оешмасы хезмәткәрләре балалар иҗатын үстерү өчен товарлар җыюда, бүләкләр алуда ярдәм сорап мөрәҗәгать иткән.
Иҗтимагый совет әгъзалары ярдәм турындагы өндәмәләргә актив җавап бирделәр һәм балалар иҗаты өчен тәмле бүләкләр һәм товарлар: альбомнар, буяулар, фломастерлар, пластилин, төсле кәгазь җыеп бирделәр.
"Ачык йөрәк" карамагындагы балалар өчен татлы бүләкләр җыю урыны - Горький исемендәге мәдәният йортындагы китапханәгә тапшырылды, ә иҗат өчен товарлар якын арада "Ышаныч" үзәгендә тапшырылачак.
Сез дә, хөрмәтле әбүнәчеләр, хәйрия акциясендә катнаша һәм мәрхәмәтле тылсымчы була аласыз.
"Ачык йөрәк" карамагындагы гаиләләр өчен татлы бүләкләрне Горький исемендәге мәдәният йорты китапханәсендә, "Ал җилкәннәр" китапханәсендә, ә балалар иҗаты өчен товарлар "Доверие"тернәкләндерү үзәгендә кабул ителә.
Следите за самым важным и интересным в Telegram-каналеТатмедиа
Нет комментариев