Бүген Яшел Үзән районы имам-хатыйбы Габделхәмит хәзрәт Зиннәтуллин үзенең туган көнен билгеләп үтә

"Хөрмәтле Габделхәмит хәзрәт, туган көнегез белән иң ихлас котлауларны кабул итегез!

Сезнең рухи идеалларга армый-талмый хезмәт итүегез, йөрәк зирәклегегез һәм зур тормыш тәҗрибәгез Яшел Үзән районы мөселманнарының ихтирамын казанды.

Сез дини һәм конфессияара диалогны ныгытуга, әхлакый нигезләрне саклауга, толерантлык тәрбияләүгә зур өлеш кертәсез.

Сезгә сәламәтлек, тынычлык һәм иминлек телим.
Сезнең тормыш юлы алга таба да изге эшләр белән сугарылсын".