Башкортстанда тюбингта шуучы малай машина астына эләгә
Чәчләр үрә торырлык вакыйга Башкортстанның Мәләүз шәһәрендә була. 11 яшьлек малай тюбингта шуып төшкән вакытта, автомобиль тәгәрмәче астына эләгә. Әлеге хәл турында социаль челтәрләрдә язалар.
Санкцияләнмәгән кар тауларының берсендә балалар тюбингларда шуалар. Аларның берсе, зур тизлек белән янәшәдән үтеп баручы машина тәгәрмәче астына эләгә. Бәхеткә каршы, хәл аянычлы тәмамланмый. Малайда бары күгәргән урыннар гына пәйда була.
Шаһитлар сүзләренчә, тәгәрмәче астына килеп эләккән малайга караганда, машина йөртүче дер калтыраган. Әлеге хәбәрне укыган күпчелек, балалары шуган тау янында аналарның булмауларыннан, куркынычсызлык таләпләрен үтәргә кирәклеге турында кисәтергә дә тырышмыйча, телефоннан сөйләшүләреннән зарлана. Шөкер, әле менә вакыйга аянычлы тәмамланмый.
Следите за самым важным и интересным в Telegram-каналеТатмедиа
Нет комментариев