«Барсын да төзәтергә вакыт»: Зеленский сөйләшүләр өстәле артына утырырга әзер
Беренче адымнар буларак әсирләрне алмашу һәм «күк белән диңгездә» килешү төзелергә тиеш.
Зеленский социаль челтәрләрдә Украина сөйләшүләр өстәле артына утырырга әзер, дип белдерде. Аның сүзләре буенча, Киев сугышны туктату өчен беренче этап буларак әсирләрне азат итәргә һәм күк белән диңгездә килешү төзергә әзер, әгәр Россия шуны ук эшләсә. Аннары Киев киләсе этапларны бик тиз узарга һәм «ныклы ахыргы килешүгә» кул кую өчен АКШ белән эшләргә теләген белдерде.
«Минем команда һәм мин тынычлыкка ирешү өчен президент Трампның көчле җитәкчелеге астында эшләргә әзер», – дип яза Зеленский.
Моннан тыш, Украина теләсә кайсы вакытта һәм теләсә кайсы уңайлы форматта файдалы казылмалар турындагы килешүне имзаларга әзер.
Следите за самым важным и интересным в Telegram-каналеТатмедиа
Нет комментариев