Баланың СНИЛСы автомат рәвештә рәсмиләштерелә

ЗАГС органнарында яңа туган сабыйны теркәгәннән соң, мәгълү мат автомат рәвештә Пенсия фондына тапшырыла. Фонд белгечләре мөстәкыйль генә балага СНИЛС тутыра һәм әнинең дәүләт хезмәтләре порталындагы шәхси кабинетына хәбәр җибәрә.
«2020 елдан башлап дәүләт яки муниципаль хезмәтләрдән файдалану өчен шәхси счетның иминият номеры язылган кәгазь таныклыгы булу таләп ителми. Баланың шәхси лицевой счётының иминият номеры (СНИЛС) турындагы мәгълүматны ата-аналарга мобиль җайланмада саклап калу һәм сораган җиргә хәбәр итү дә җитә», – дип ачыклык кертте Татарстан Пенсия фонды идарәчесе Эдуард Вафин.
Баланың СНИЛСы турындагы мәгълүмат әнисенең шәхси кабинетына килсен өчен, дәүләт хезмәтләре порталында күрсәтелгән анкета мәгълүматларының Пенсия фондына ЗАГС органнарыннан кергән белешмәләр белән туры килүе шарт. Шуңа күрә хатын-кыз фамилиясен алмаштырган очракта әлеге мәгълүматларны порталда да яңартырга киңәш ителә. Югыйсә, баланың СНИЛСы ананың шәхси кабинетында чагылыш тапмас ка мөмкин. Әни кеше дәүләт хезмәтләре порталында теркәлү узмаган очракта, СНИЛСны Пенсия фондына яки күпфункцияле үзәккә мөрәҗәгать итеп алыр га мөмкин. Уллыкка бала алган гаиләләр өчен шулай ук СНИЛСны рәсмиләштерүнең элеккеге мөрәҗәгать итү тәртибе саклана, чөнки кирәкле белешмәләрне бары тик уллыкка алучылар үзләре генә бирә ала.
СНИЛСны электрон вариант та сакларга, теләгән очракта гади кәгазьдә бастырып алырга мөмкин. Элек бирелгән барлык иминият танык лыклары да гамәлдә булуын дәвам итә.