Бакчачыларның 11 хатасы

1. Орлыкны дөрес сатып алмау
Томатларны күп итеп үстергәндә  гибридка өстенлек бирергә кирәк. Алар төрле авыруларга бирешми, уңдырышлылыгы сортлы помидорларга караганда 30%ка күбрәк.

2.Урынын дөрес сайламау
Ачык грунтка утыртырга кирәклеләрен – теплицага, ә теплица гибридларын  ачык грунтка утыртырга  һич ярамый.

3.Теплица өчен  пленканың дөрес сайланмаган булуы
Тәҗрибәсез бакчачы  теплица өчен иң калын пленканы сатып ала. Чөнки иң ышанычлысы, дип саный. Иң яхшысы  –  гидрофиль полиэтилен пленка.

4.Тәүлек әйләнәсе яктылык һәм югары температура
 Яктылык һәм җылырак булган саен яхшырак, дип уйлыйсызмы? Ялгышасыз. Томат үсентеләре 15-16 сәгать яктылыкта  һәм төнлә  температура 8-10 градус булганда үзләрен яхшы хис итә.

5.Үсентене дөрес күчереп утыртмау
Сатучылар  томат үсентеләрен чәчәкле килеш сатарга ярата, имеш уңышны тизрәк бирәчәк. Ә бу дөрес түгел. Чәчәк аткан үсентене  җиргә күчереп утыртканда, чәчәкләрне өзәргә кирәк.

6.Помидорга көн саен су сибү
Бакчачылар  помидорга суны кыярга сипкән кебек, көн саен  сибә. Бу дөрес түгел. 7-10 көнгә бер сибәргә кирәк. Фитофтора  барлыкка килмәсен дисәгез, яфракка суны тидермәгез.

7.Артык ян сабакларын вакытында өзү
Үсенте 3-4 см булгач, ян сабакларын өзәргә кирәк.

8. Үсентене дөрес формалаштырмау
Бакчачылар көчле ян сабакларын сындырырга кызгана, ә бу дөрес түгел.

9. Калын сабаклар һәм эре яфраклар булмасын
Туфрак артык тиресле булса, шулай була.  Тирестән баш тартып, тамырны сульфат магний (0,5%) белән ашлагыз.

10. Авыруларны профилактикалау
Үсентеләр тишелеп чыккач ук профилактиканы башларга кирәк.  Авыру  килеп чыкканны көтәргә ярамый.

11.Гибрид орлыкларын әзерләү
Гибрид помидор орлыгын  киләсе  сезонга әзерләсәгез,  уңышны көтмәгез дә.