Автомобильчеләр көне белән!

Автомобильчеләр көне – машина йөртүчеләрнең генә түгел, ремонт эшчеләренең, инженер-техник хезмәткәрләрнең, автотранспорт предприятиеләре җитәкчеләренең һәм үзләренең һөнәри бурычларын үтәп лаеклы ялга чыгучыларның да һөнәри бәйрәме. Россиядә бу бәйрәм ел саен октябрьнең соңгы якшәмбесендә билгеләп үтелә.

Барлык автомобиль йөртүчеләргә – профессионалларга һәм һәвәскәрләргә – куркынычсыз һәм җиңел юллар, ышанычлы техника, үзара аңлашу һәм үзара хөрмәт, сәламәтлек телибез!