Ана капиталын яңача кулланып булачак
Россия Мәгариф министрлыгы хөкүмәт карары проектын әзерләгән. Аның нигезендә ана капиталын балалар бакчасына түләү өчен куллану мөмкин булачак. Бу хакта INTERFAX.RUга сылтама белән «Татар-информ» җиткерә.
Документ сишәмбе көнне норматив һәм хокук актлары рәсми сайтында урнаштырылган. 12 декабрьдә документ антикоррупция экспертизасын узып, 2018 елның 1 гыйнварыннан үз көченә керер дип көтелә.
Актка аңлатма язуында әйтелгәнчә, документ Россия Президенты Владимир Путинның 28 ноябрьдә демографик чараларны хуплау буенча җиткерелгән тәкъдимнәре белән ныгытылырга тиеш. Пунктларның берсе булып, ана капиталы акчасын балага балалар бакчасына түләүгә юнәлтү тора.
Ноябрь ахырында Россия президенты ана капиталын 2021 ел ахырына кадәр озайтырга тәкъдим итте. Путин шулай ук акчага кытлык кичергән гаиләләрнең ана капиталын ай саен алырга мөмкин булачагын да җиткерде.
Следите за самым важным и интересным в Telegram-каналеТатмедиа
Нет комментариев