Алдагы көндә һава торышы ничек булыр, синоптиклар фаразына күз салыйк

10-15 гыйнварда Татарстан Республикасы территориясендә уртача тәүлеклек һава температурасы -18, -24 булган аномаль-салкын һава торышы сакланачак, бу нормадан 9-15°ка түбәнрәк. Бу чорда һаваның минималь температурасы нигездә -23, -28 тәшкил итә.

11 гыйнварда урыны белән -33° кадәр, көндез максималь температура -16, -21 көтелә.

Исегезгә төшерәбез:

•  Урамга чыкканда җылы киенегез. Кием җиңел, тыгыз, табигый тукымадан һәм йоннан булырга тиеш, ә иң яхшысы - махсус термо кием сатып алу. Йон оекбаш кисәгез, тагын да әйбәт.
•  Салкыннарда басып тормаска тырышыгыз, ә даими рәвештә әкрен генә хәрәкәт итегез, бигрәк тә тукталышта җәмәгать транспортын көткәндә. Әгәр дә сез салкынга түзә алмыйсыз һәм каядыр барырга кирәк икән, кафе, кибет, подъездларга кереп җылыныгыз.
• Суыкларда акрын гына борын белән сулыш алырга кирәк. Борын куышлыгы шундый итеп төзелгән ки, һава бронхларга һәм үпкәләргә җиткәч, ул, кагыйдә буларак, җылынырга өлгерә.
•  Өйгә салкыннан кайткач, шунда ук кайнар чәй эчмәгез һәм кайнар душ яки мунча кермәгез. Температура кискен үзгәргәндә (-20дән +20гә кадәр) йөрәк-кан тамырлары системасына зур йөкләнеш барлыкка килергә мөмкин. Организм 20-30 минут эчендә бүлмә температурасына җайлашырга тиеш.
•  ️Мичкә якканда һәм электр җиһазларын кулланганда куркынычсызлык кагыйдәләрен үтәгез!