«Алар балалар күз алдында үлделәр»: Васильевода билгесез кешеләр ишегалды этләрен агулаганнар

Васильевода Спортивная урамында этләргә агу ашатканнар. Балалар мәйданчыгында үлем белән тарткалашып яткан хайваннар тирәсендә ярты ишегалды халкы җыелган.

- Балалар, ана эт белән көчекләрнең коточкыч газапларда үлүен карап, басып тордылар. Кешеләр күп иде, ә этләр үзләренә урын таба алмадылар, тора һәм аңнарына килә алмадылар. Без тиз генә ветеринар Ольга Миллерга шалтыраттык һәм аларны клиникага илттек. Аларга «капельница» куйганчы, ветврачка: "Килегез, монда тагын икәү үләргә ята", - дигән шалтырату килде. Без алар артыннан да киттек", - дип сөйли Светлана Долгова. Алар дуслары белән этләрне вакытлыча тәрбиягә бүлгән һәм хайваннарны дәвалауга акча җыйган. Ике көчекне вакытлыча үзенә алган.

-Хәзер минем өйдә алар дүртәү. Үземнең ике этем һәм менә ике көчегем булды. Зур сукбайлар клиникада дәвалана һәм әлегә башка урында яшиләр. Без аларны яңадан монда китерергә куркабыз, фаҗига кабатланырга мөмкин бит. Ул кешеләрне бернәрсәгә дә туктатмаячак, - дип ышана Светлана.

Җирле халык, эт адресына янауларны күршеләрдән бер генә тапкыр ишетмәгәнен сөйли, янәсе, клумбаларда чәчәкләрне таптыйлар, гомумән дә "алардан котыртырга вакыт".

Агуны, хәтта, ике көчек - Молли һәм Бароши өчен дә кызганмаганнар. Аларның әнисе - Луна кушаматлы эт үз хәленә кайта инде, ә Лис бик авыр хәлдә.

Социаль челтәрләрдә актив бәхәсләр бара: берәүләр йортсыз этләрне юк итәргә кирәк дип ышаналар, икенчеләре гуманлырак ысул — стрелизация яклы. Мәрхәмәтле гражданнар хайваннарны дәвалау өчен акча җыя башлаган.

- Махсус оешма тарафыннан даими рәвештә Яшел Үзән муниципаль районына, аерым алганда, Яшел Үзән шәһәренә дә заявкалар буенча чыгу гамәлгә ашырыла. Сезне, идентификация номеры белән биркалары булмаган хуҗасыз этләрне күргән очракта, чаралар күрү өчен кичекмәстән (84371) 4-84-77 телефоны буенча мөрәҗәгать итүегезне сорыйбыз, - дип аңлаттылар Яшел Үзән матбугат хезмәтендә.

Шунысын билгеләп үтәргә кирәк, бу Васильеводагы хайваннар белән рәхимсез мөгамәләнең беренче очрагы гына түгел. Һәм закон буенча, моның өчен РФ Җинаять кодексы нигезендә реаль срок яный.

- Алар җәзасыз калдык, дип уйламасыннар. Без моны кем эшләгәнен беләбез. Шаһитлар бар. Полициягә гариза язачакбыз. Хәзер этләрне дәваларга һәм урнаштырырга кирәк, - дип билгелиләр җирле зоояклаучылар.

Берәүләр тормышка кайтарырга тырышканда, икенчеләре теге дөньяга юллама билгели...