4 июльдән 10 июльгә кадәр Яшел Үзән үзәк хастаханәсе ашыгыч медицина ярдәме бригадалары 985 тапкыр кешеләрне коткарырга чыккан, шул исәптән – 154 тапкыр балалар янына

Кабул итү бүлекчәләренә инфаркт белән 3 кеше китерелгән, инсульт белән 13 яшел үзәнле хастаханәгә озатылган. 6 пациент көнкүрештә һәм урамда төрле җәрәхәтләр алган. Сулыш юллары авырулары симптомнарына 102 кеше зарланган.

Яшел Үзән үзәк район хастаханәсенә ашыгыч медицина ярдәме бригадалары тарафыннан 363 пациент китерелгән, 124есе хастаханәгә салынган, калганнарына кабул итү бүлекләрендә ярдәм күрсәтелгән.

60 тапкыр ашыгыч медицина ярдәме күрсәтү бригадалары ялган чакырылган.

Яшел Үзән үзәк район хастаханәсе