-37° градуска какадәр суыклар - Татарстанның метеорологлары штормлы кисәтү игълан итте
6-11 гыйнвар көннәрендә Татарстан Республикасы территориясендә уртача тәүлеклек һава температурасы нормадан 9-18 градуска түбәнрәк булгачак һәм аномаль-салкын һава торышы көтелә, дип хәбәр итә “Татарстан Республикасының гидрометеорология һәм әйләнә-тирә мохитне күзәтү идарәсе” ФДБУ.
Идарәдә билгеләп үтүләренчә, моңа бәйле рәвештә шторм кисәтүе игълан ителгән.
6 гыйнварда төнлә һәм иртән көнбатыш районнарда минималь һава температурасы -24°гакадәр җитәчәк.
7-10 гыйнварда республикада төнлә һәм иртән -25..-32°, аязганда -37°гәкадәр, көндез -28°га кадәр көтелә.
11 гыйнварда төнлә һәм иртән -28°гакадәр, аязганда -32°гакадәр, көндез -19°га кадәр.
Җылырак киенегез һәм мөмкин булганча урамда озак вакыт йөрергә тырышмагыз.
Следите за самым важным и интересным в Telegram-каналеТатмедиа
Нет комментариев