2020 елда "Татмедиа" интернет-аудиториясе 36%ка арткан

"Татмедиа" холдингына керүче редакцияләр сайтына 2020 елда 138 млн нан артык укучы кергән, үсеш 36% тәшкил иткән. Бу хакта «Татар-информ» мәгълүмат агентлыгына «Татмедиа» АҖ генераль директоры Шамил Садыйков хәбәр итте.

"Татмедиа" сайтлар төркеменә халыкның керүе буенча Татарстанда беренче урында тора, үсеш нигездә контентның сыйфатын яхшырту белән аңлатыла. Без 2020 елның гыйнварында "Татмедиа" АҖ медиамәктәбен эшләтеп җибәрдек, ул персоналны укыту белән шөгыльләнә. Моның өчен махсус онлайн-платформа булдырылды, атна саен филиаллар белән видеоконференцияләре уздырыла», - диде Садыйков.

Аның сүзләренчә, медиамәктәптә журналистларны текстлар, "Яндекс" сервислары белән эшләү нигезләренә, социаль челтәрләрдә укучылар белән үзара мөнәсәбәтләр урнаштырырга өйрәтәләр. Үз чиратында бу укучыларны социаль челтәрләрдә «Татмедиа» АҖ битләренә карата кызыксыну уятты.

"Безнең бәяләүләр буенча, язылучылар үсеше якынча 25% тәшкил итте. Хәзер "Татмедиа"да социаль челтәрләрдә 350 рәсми аккаунт һәм бергәлек бар, алар 2,5 млн язылучыны берләштерә. Социаль челтәрләрдә барлык газеталар, журналлар, электрон массакүләм мәгълүмат чаралары тәкъдим ителде. Бу төрле төркемнәрнең зур калейдоскобы - тематик, тел, географик яктан ", - дип аңлатты генераль директор.

«Татар-информ» мәгълүмат агентлыгы әңгәмәдәше ачыклык керткәнчә, «Татмедиа» АҖендә шулай ук СММ-белгечләр һәм вебредакторлар өчен махсус укыту оештырылган, шуңа күрә пабликларның активлыгы арткан. 2020 елда медиахолдинг төркемнәрендә шәрехләр һәм лайклар саны 17% ка арткан.

"Без ресурсларның 70%ын яңа медиа булдыруга юнәлдерүне максат итәбез, шул исәптән Telegram һәм ТikТок проектларын үстерүгә дә. Хәзер яшь аудитория бу ресурсларга актив керә, шуңа күрә безнең өчен төп бурыч - пабликларның үсешен тәэмин итү ", - диде Садыйков.

Аның сүзләренчә, Татарстанның баш медиахолдингы Татарстанда Telegram га язылучылар саны буенча беренче урында тора һәм ТikТок аудиториясен актив рәвештә үстерә. "Күпләр ТikТокны балалар шаяруы дип саный, әмма ул инде кулланучыларның контентны куллануга сарыф иткән вакыт күләме буенча Instagram ны узып киткән. Вакытлар узу белән ТikТок аудиториясе үсәчәк кенә, контентның сыйфаты артачак ", - дип уртаклашты агентлык әңгәмәдәше.

Шамил Садыйков китергән статистика буенча, ТikТоктагы "Татмедиа" аккаунтына 14 мең кулланучы язылган, кайбер видеороликлар миллионнан артык карау җыйган.

"Безнең өчен ТikТok - ул киләчәккә инвестицияләр, вакыт узу белән бу аудитория өстенлек итәчәк. Әгәр дә 5 ел элек төп социаль челтәр "ВКонтакте" булса, хәзер аудитория кызыксынуы Instagram га күчте, вакытлар узу белән ТikТok чираты киләчәк. Безнең балалар телевизор карамый, газета укымый һәм радио тыңламый, алар социаль челтәрләрдән һәм мессенджерлардан яңалыклар белә. Аларны традицион массакүләм мәгълүмат чаралары белән кызыксындыру мөмкин түгел, һәм бу "Татмедиа" өчен иң төп чакыру", - дип ассызыклады генераль директор.

Татарстанның иң эре медиахолдингы «Татмедиа» АҖ 2020 елда үзенең 13 еллыгын билгеләп үтте. Компания 98 газета, 20 журнал, 17 телеканал, 12 радиоканал, 81 сайтны берләштерә. Шамил Садыйков белән интервьюның тулы текстын "События" порталында укыгыз.