20 ел элек югалган кыз табылган

"Әти-әни балаларын табарга өметләнеп станцияләр буйлап йөргәннәр, - дип хәбәр итә Беларусь Эчке эшләр министрлыгының телеграмм-каналы. - Урамда сатучылардан сораштырганнар, фотолар ябыштырганнар, пассажирлар белән аралашканнар, тирә-юньдәге барлык коелар тикшерелгән. Баланы эзләүдә милиция, җәмәгатьчелек, массакүләм мәгълүмат чаралары катнашкан. Әмма бала юкка эзсез юкка чыккан".
20 елдан соң, быелның 18 августында Белоруссия милициясенә яшь россияле мөрәҗәгать итә, Ул 24 яшьлек Юлия Горина исемле (асылда, Юлия Моисеенко) кыз белән очрашып йөри икән. Туташ Россиядәге интернатларның берсендә, ә аннары тәрбиягә алган гаиләдә үскән. Юлия еш кына егетенә үзенең кечкенә чагы, поездда югалган әти-әнисе турында сөйли икән.
Дүрт яшьлек Юляны 1999 елның көзендә Рязаньның тимер юл станциясендә тапканнар, һәм берәү дә аның башка илдән булуын, ничек итеп чит ил аша шундый озын юл үтүен башына да китермәгән.
"Бер атна элек бу хәлгә катнашы булганнар Пухович районы эчке эшләр бүлегендә очраштылар, - дип хәбәр итә news.tut.by, - Экспертлар раслаганча, Юля чыннан да, 20 ел элек югалган кыз булып чыга, бу днк экспертизасы аша исбат ителә.
Юлия үзе барча кешегә дә рәхмәтле - 20 ел буенча көтүче әти-әнисенә дә, аны тәрбияләгән кешеләргә дә.