Яшәеш
2 мартта Яшел Үзән районында сиреналар кабызачаклар
Гадәттән тыш хәлләр министрлыгының Яшел Үзән идарәсе мәгълүматларына караганда, сиреналар һәм мобиль системаларны 10:40 сәгатьтә кабызачаклар - бу ел саен комплекслы тикшерү, гадәттән тыш хәлләр турында халыкка хәбәр итү системасын тестлау.
Халыктан тынычлык саклауны һәм паникага бирелмәүне сорыйлар. Шул ук вакытта сирена тавышын ишетеп, гадәттән тыш хәл булганда, гражданнар алдагы мәгълүмат алу өчен телевизор, мобиль телефоннарын яки радио кабызырга тиеш, дип билгеләп үтелә.
Яшел Үзән шәһәреннән кала, Норлат, Рус Әҗәле, Новопольский, Раифа, Мулла Иле, Осиново, Васильево һәм Карамалы Тау авыл җирлекләрендә дә әлеге укулар узачак. Куркып калмагыз!
Следите за самым важным и интересным в Telegram-каналеТатмедиа
Нет комментариев