1 май – Яз һәм хезмәт бәйрәме уңаеннан дүрт көнлек ял булачак

Апрельнең соңгы эш атнасында алты эш көне булачак. Аннан россиялеләрне 1 май – Яз һәм хезмәт бәйрәме уңаеннан дүрт көнлек ял көтә. Бу хакта ТАССка сишәмбе көнне Россия Хезмәт һәм эш белән тәэмин итү федераль хезмәте матбугат хезмәтендә җиткерделәр дип яза «Татар-информ».

“Бәйрәм көннәрен күчерү сәбәпле, апрель аеның бер шимбәсе эш көне булачак. Ял көне 28 апрель шимбәсеннән дүшәмбегә, 30 апрельгә күчерелә. Шунлыктан Яз һәм хезмәт бәйрәме уңаеннан дүрт көнлек ял - 29 апрельдән 2 майга кадәр булачак", - дип хәбәр иткәннәр ведомствода. Россия Хезмәт һәм эш белән тәэмин итү федераль хезмәте 9 май – Җиңү көне чәршәмбегә туры килү сәбәпле, россиялеләрнең бер генә көн ял итүен җиткерә.