03 Ашыгыч медицина ярдәме күрсәтү станциясе хезмәткәрләре 1221 чакыру кабул итеп алган, шуларның 471е – районнан, 750се шәһәрдән булган

■Медикларны Бело-безводное авылына чакыртканнар. Анда ике кеше – 45 яшьлек ир-ат һәм 40 яшьлек хатын-кыз ис тиеп үлгән булган.

■Лиственная урамында битен эт теш­ләгән 70 яшьлек исерек хатын-кызга ашыгыч медицина ярдәме күрсәтелгән. Аны травматология бүлегенә китергәннәр.

■Фрунзе урамында да 14 яшьлек кыз баланы эт тешләгән булган. Аны медиклар травматологиягә алып килгән. Ә менә Рогачев урамында 40 яшьлек хатын-кызны һәм аның 8 яшьлек кызын үз мәчеләре теш­ләгән. Зыян күрүчеләр дәваханәгә барудан баш тарткан.

■Северная урамында бөтен тәнен өшеткән 69 яшьлек ир-атка ярдәм күрсәтелгән. Аны терапия бүлегенә алып килгәннәр.

Фото интернет челтәреннән алынды