03 Ашыгыч медицина ярдәме күрсәтү станциясе хезмәткәрләре 807 чакыру кабул итеп алган

330 кешене госпитализацияләгәннәр: 247се – шәһәрдән, 83е – районнан.
Медикларны, Загородная урамында кыйналып, баш мие җәрәхәтләнгән 42 яшьлек исерек хатын-кыз янына чакыртканнар. Зыян күрүче дәваханәгә барудан баш тарткан.
Комаров урамында күршесе башына шешә белән суккан 46 яшьлек хатын-кыз янына чакыру алынган. Зыян күрүчене травматология бүлегенә алып киткәннәр.
Комаров урамында күкрәгенә пычак кадалган 48 яшьлек исерек хатын-кызга ярдәм таләп ителгән. Җәрәхәтне бу ханымга әтисе ясаган. Аны хирургия бүлегенә китергәннәр.