Яшел Үзән районында 76 миллион сумлык судан саклау дамбасы төзиячәкләр

Урынның рельефы шундый ки, стихия йогынтысын ясалма рәвештә генә чикләп була - су саклау дамбасын төзү мәсьәләсе инде биш елдан артык тикшерелә.

- Татарстан Республикасы Президенты Рөстәм Нургали улы Миңнеханов проектны хуплады, 2023 елда Татар Танаенда дамба төзелә башлаячак, - дип белдерде район башлыгы Михаил Афанасьев атна саен уза торган аппарат киңәшмәсендә.

Район башлыгы билгеләп үткәнчә, быел килеп чыккан хәл халыкны борчуга салды. Төрле чаралар күрелүгә дә карамастан, Гадәттән тыш хәлләр министрлыгы һәм башка ашыгыч хезмәтләр хезмәткәрләре белән берлектә, авылны басып алу стихиядән котылып булмады. Яңа яклаучы дамба төзү исә торак пунктта яшәүчеләр өчен күптән көтелгән вакыйга булачак.

- Бүгенге көндә Гөбенә елгасы үз юлына керде, дәрәҗәсе 3,45 м. Су кимү 16 апрельдән 17 апрельгә кадәр башланды һәм 60 см га түбәнәйде, киләсе тәүлектә тагын 55 см булды. Кимү дәвам итә. Елганың максималь дәрәҗәсе быел 5,40 см тәшкил итте, - дип сөйләде Зеленодольск районы буенча Гражданнар оборонасы һәм гадәттән тыш хәлләр идарәсе башлыгы Вячеслав Долганов.