Түбән Урысбага җирлегенең активистлары тик ятмый

Елмаясы, яхшылык кыласы, дөньяны тагын да ямьлисе һәм, гомумән, җимерттереп ни дә булса эшлисе килә.

Түбән Урысбага җирлегенең активистлары мондый көнне кул кушырып утырамы соң?! Чыкканнар, әнә, авылның уңганнары Җиңү Паркында җиң сызганып, көлешә-көлешә, сөйләшә-сөйләшә рәхәтләнеп чәчәк утырталар, матурлыйлар. Әлбәттә инде башлыклары Хәйдәр Сибгатуллин да шунда һәм беркайчан да мондый эшләрдән читтә калмаучы, битараф булмаган урыс багалыларга рәхмәтен дә җиткерә.

Афәрин, якташлар! Булышырга теләүчеләр күп булмаса да, гүзәлеккә сокланучылар күп булыр әле!