Шаулап-гөрләп Яңа ел бәйрәмнәре дә узып бара

Татар Танае авылында да нәни дусларыбыз өчен "Кыш бабайда кунакта" исемле мавыктыргыч чара узды.

-Балаларның гына аз килүләре кызганыч, югыйсә үзебез авыл балалары да, шәһәрдән кайтучылар да бик күп бит. Ә килгән балалар рәхәтләнеп күңел ачтылар, уеннар уйнап, кыш бабайга шигырьләр сөйләделәр, җырлар җырладылар. Әлбәттә инде бүләксез дә калмадылар. Шушы сабыйларның эчкерсез шатлануларын күреп күңелләр тулды. Дөньяларыбыз тыныч булып, һәрбер бала ата-ана тигезлегендә үссен иде, - ди Татар Танае мәдәният йорты мөдире Миләүшә Акмалова.