Россиядә беренче 3D-басмасында йортлар Яшел Үзән районында төзелә

Төзелеш барышында, 3D-принтер өч үлчәмле модельгә нигезләнеп, роботлаштырылган «кул краны» ярдәмендә, төзелеш мәйданчыгында ук конструкция ясап, билгеле бетон катнашмасын сылый.

Объектлар төзелешен Яшел Үзән районы башлыгы Михаил Афанасьев карады.
- Беренче чиратта, бу - хезмәт чыгымнарын, кеше хаталарын киметү, калдыксыз төзелеш һәм әлбәттә, процессның куркынычсызлыгы. Киләчәктә популярлык казаныр дип ышанам, - дип билгеләп үтте район башлыгы.

3D принтерда йорт булдыру процессының беренче этабы - йортны проектлау, аннары 3D моделен төзеп слайсер-программага йөкләү һәм төзү. Бер йортның төзелеш вакыты - 21 көн, ә норматив куллану вакыты-80-120 ел.