Редакциягә хат килде, белүчеләр юкмы?

Тарих сукмаклары мине Яшел Үзән районы Олы Җәке авылы тарафына алып килделәр.

М. Гариф (1852) мулла, тумышы белән Арча районының Кәче авылыннан - борынгы муллалар нәселеннән. 1878 –1888 елларда туган авылында муллалык итә. Аннан Казан хәрби гарнизоны мулласы итеп күчерелә. М. Гариф соңыннан Яшел Үзән районы Олы Җәке авылында яши булса кирәк. Чөнки 1931 елда М. Гарифның һәм улы Мөһәммәтгалинең (1881) кулга алынулары һәм тиз арада иреккә чыгарылулары билгеле.

Олы Җәке авылында әлеге гаиләнең нәсел дәвамчылары юкмы? Бәлки аларның алдагы язмышлары турында хәбәрләр бардыр.

Ихтирам белән Закиров Фоат, Кәче авылы”.