Осиновода чишмә ачылды

Бүген Яшел Үзән районында күп кенә социаль объектлар төзелә: балалар бакчалары, мәктәпләр, спорт мәйданчыклары, – дип шәрехли ЯҮМР башлыгы аппараты җитәкчесе Илнар Хантимеров. – Аллаһка шөкер, ра­йоныбызда 48 мәчетебез эшләп килә. Яшьләребез җомга намазларына йөри. Бүген исә Осиново бистәсендә мәчет янында яңа чишмә ачылды. Район башлыгы Михаил Афа­насьев исеменнән, халкыбыз исеменнән спонсорлар каршында баш иябез.

Радик Шәрипов, Илдар Хафизов, Ильяс Гыймадов, Руслан Гущин, Тимур Әхмәтгалиев чишмә төзүнең инвесторлары булды.
Игелекле эшегез һәм ра­йоныбыз файдасына бәяләп бетергесез өлеш керткәнегез өчен рәхмәт сезгә!

Чишмәнең исеме дә матур – «Алия чишмәсе». Халкыбызга күп еллар буе хезмәт итсен, суы саекмасын! Тирә-юнен карап торыйк.