Олы Яке мәдәният йортының үзешчәннәре бер генә дә тик тормый

-Урамда буран булуга карамастан, “Моңнарыбыз сезгә дәшә” дигән концерт программабыз белән юлга чыктык. Безнең чыгышны карарга килгән тамашачыларга һәм безне ачык йөз белән каршы алган клуб мөдире Гөлнур Зариповага олы рәхмәтебезне белдерәбез. Барыбызда сау-сәламәт булып, тагын очрашырга насыйп булсын, - дип фикерләре белән уртаклаша Олы Яке мәдәният йорты сәнгать җитәкчесе Лилия Әхмәтшакирова.

Халык чынлап та, якташларыбызның чыгышын яраткан. Искиткеч концерт, өлкән апаларыбызның номерлары сокландырды, берсеннән-берсе матур биюләр, Олы Якедә талантлар яши икән, дип кайтавазларын да язып калдырганнар.

Афәрин, олы якелеләр, шулай тормышны яратып, җыр-моңнан аерылмыйча яшәгез!